İstiqlal bəyannaməsi abidəsi - VİDEO

Bu gün AXC-nin yaranmasından 103 il ötür. 1918-ci il mayın 28-də Tiflisdə Azərbaycan Milli Şurası tərəfindən tərtib edilən sənəd imzalanıb. "Report" xatırladır ki, İstiqlal bəyannaməsi adlanan sənəd AXC-nin müstəqilliyini rəsmən elan edən sənəddir.

2007-ci il 25 mayda İstiqlaliyyət küçəsində Prezident İlham Əliyevin iştirakı ilə Azərbaycan Xalq Cümhuriyyətinin (AXC) şərəfinə ucaldılmış abidənin açılışı olub.

Abidənin aşağı hissəsi qranitdən, yuxarı hissəsi isə ağ mərmərdən hazırlanıb. Ağ mərmərdən hazırlanan hissədə dövlət gerbi həkk olunub, qranit hissəyə isə "İstiqlal bəyannaməsi"nin mətni və bu bəyannaməni imzalayan şəxslərin adları həm əski, həm də latın qrafikası ilə yazılıb.

Qeyd edək ki, "İstiqlal bəyannaməsi" 1918-ci ildə məhz hazırda Əlyazmalar İnstitutunun yerləşdiyi binada - keçmiş "İsmailiyyə"də imzalanıb.