Türkiyəli deputat: "Azərbaycanlı qardaşlarımıza verdikləri böyük dəstəyə görə təşəkkür edirik”

"Azərbaycanlı qardaşlarımıza verdikləri böyük dəstəyə görə təşəkkürümüzü bildiririk”.

"Report" xəbər verir ki, Türkiyə parlamentinin üzvü Rəcəb Şəkər TÜRKPA-nın Ətraf mühit, təbii ehtiyatlar və sağlamlığın qorunması komissiyasının səkkizinci iclası zamanı deyib.

Onun sözlərinə görə, Azərbaycan əsrin fəlakəti adlandırılan dəhşətli zəlzələnin ilk anlarından Türkiyəyə dəstək göstərən ölkə oldu: "Azərbaycan əlindən gələn bütün dəstəyi göstərdi. Azərbaycan xalqı türkiyəli qardaşlarına yardımlar göndərdi. Bu, bir daha Türkiyə-Azərbaycan qardaşlığının necə sağlam dayaqlara sahib olduğunu göstərdi".