Yuxarı

Türkiyədə Azərbaycan həftəsi keçirilir

Bakı. 26 noyabr. REPORT.AZ/ Milli Məclisin (MM) deputatı Musa Qasımlı Türkiyədə keçirilən Azərbaycan həftəsində iştirak etmək üçün bu gün Ankaraya yola düşüb.

MM-in Mətbuat xidmətindən “Report”a verilən məlumata görə, tədbiri Azərbaycan Prezidenti yanında Strateji Araşdırmalar Mərkəzi (SAM) ilə Türkiyə Xarici İşlər Nazirliyi (XİN) Strateji Araşdırmalar Mərkəzi təşkil edib. Azərbaycan həftəsi çərçivəsində ulu öndər Heydər Əliyevin Ankara şəhərindəki abidəsi ziyarət olunacaq, Türkiyə Prezident Administrasiyasında və XİN-də görüşlər keçiriləcək.

Strateji Araşdırmalar Mərkəzində elm adamlarının, siyasətçi və diplomatların qatılacağı tədbirdə M.Qasımlı Azərbaycan-Türkiyə münasibətlərinə dair məruzə oxuyacaq, görüşlərdə çıxış edəcək.

Səfər noyabrın 29-da başa çatacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi