Qənirə Paşayeva Qazaxıstana səfər edəcək

Milli Məclisin (MM) Mədəniyyət komitəsinin sədri Qənirə Paşayeva iyunun 12-də Qazaxıstanın Almatı şəhərinə səfər edəcək.

Bu barədə “Report”a MM-in Mətbuat və ictimaiyyətlə əlaqələr şöbəsindən bildirilib.

Millət vəkili Al-Farabi adına Qazax Milli Universitetinin təşkilatçılığı ilə Ümummilli Lider Heydər Əliyevin 100 illik yubileyi münasibəti ilə keçiriləcək tədbirlərdə iştirak edəcək.

Səfər çərçivəsində deputatımız, həmçinin Şuşa şəhərinin 2023-cü il üçün “Türk dünyasının mədəniyyət paytaxtı” elan edilməsi və görkəmli ədib Mir Cəlal Paşayevin 115 illik yubileyi ilə bağlı bir sıra tədbirlərə də qatılacaq.

Səfər iyunun 19-da başa çatacaq.