Yuxarı

Milli Məclisin yaz sessiyasının ilk plenar iclası başlayıb - YENİLƏNİB

© Report

Bakı. 1 fevral. REPORT.AZ/ Milli Məclisin 2019-cu il yaz sessiyasının ilk plenar iclası başlayıb.

“Report”un xəbərinə görə, spiker Oqtay Əsədov toplantını açıq elan edib.

Sonra Azərbaycanın dövlət himni səsləndirilib.

Hazırda plenar iclas davam edir.


*** 09:17

Bu gün Azərbaycan Milli Məclisinin 2019-cu il yaz sessiyasının plenar iclasları başlayır.

“Report” xəbər verir ki, ilk plenar iclasın gündəliyinə 38 məsələ daxildir.

Deputatlar əvvəlcə Milli Məclisin 2019-cu il yaz sessiyasının qanunvericilik işləri planını təsdiq edəcək, sonra isə parlamentin Hesablayıcı komissiyasının, İntizam komissiyasının yenidən təşkil edilməsi haqqında məsələyə baxacaqlar.

İclasda “Azərbaycan Respublikasının orden və medallarının təsis edilməsi haqqında”, “Əhalinin sağlamlığının qorunması haqqında”, “Dövlət əmlakının özəlləşdirilməsi haqqında”, “Azərbaycan Respublikasında dövlət dili haqqında”, “İnzibati icraat haqqında”, “Azərbaycan Respublikasının vətəndaşlığı haqqında”, “Avtomobil nəqliyyatı haqqında”, Dövlət sosial sığorta sistemində fərdi uçot haqqında”, “Penitensiar müəssisələrdə cəza çəkməkdən azad edilmiş şəxslərin sosial adaptasiyası haqqında”, “Sosial sığorta haqqında”, “Ünvanlı dövlət sosial yardımı haqqında”, “Sosial müavinətlər haqqında”, “Əmək pensiyaları haqqında”, “İşsizlikdən sığorta haqqında”, “Əlilliyi olan şəxslərin hüquqları haqqında”, “Məşğulluq haqqında” və s. qanunlara, eləcə də İnzibati Xətalar, Əmək, Cəzaların İcrası və Ailə məcəllələrinə dəyişiklik layihələri müzakirə olunacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi