Əli Nikzad: "İran qonşularla yaxşı münasibətlərin qurulmasının tərəfdarıdır"

“İran qətiyyətlə İƏT-də əməkdaşlığın daha da gücləndirilməsinə çalışır. İran özünə qarşı zalım sanksiyalara baxmayaraq həmişə bölgədə sülhün tərəfdarı olub”.

“Report”un xəbərinə görə, bunu İran İslam Şurası Məclisi sədrinin birinci müavini Əli Nikzad İqtisadi Əməkdaşlıq Təşkilatı Parlament Assambleyasının Bakıda keçirilən Üçüncü Ümumi Konfransında deyib.

Onun sözlərinə görə, İran xarici siyasətdə qonşularla yaxşı münasibətlərin qurulmasının tərəfdarıdır: “Onu da qeyd edim ki, pandemiyadan digər ölkələr kimi İran da ziyan çəkib. İqtisadiyyatın bərpası bütün ölkələrin gündəmindədir”.