Türkiyəli jurnalist: "Azərbaycan II Qarabağ müharibəsində medianın rolundan uğurla istifadə etdi"

Türkiyəli jurnalist, "Milliyyət" qəzetinin əməkdaşı Bünyamin Aygün deyib ki, Azərbaycan İkinci Qarabağ müharibəsində medianın fəaliyyətindən uğurla istifadə edib.

“Report” xəbər verir ki, o, bu barədə Bakı Dövlət Universiteti və Üsküdar Universitetinin birgə təşkilatçılığı ilə “Müasir Türk Dünyası jurnalistikası: problemlər və çağırışlar” mövzusunda onlayn elmi konfransda çıxışı zamanı danışıb.

Jurnalist bildirib ki, savaş dövründə Azərbaycana qarşı ittihamlar səslənirdi: “Amma bunlar mənasız oldu. Çünki Azərbaycan informasiya siyasətini düzgün qurmuşdu”.

B.Aygün qeyd edib ki, bu məsələdə xəbər agentliklərinin xüsusi rolu olub.