Prezident İlham Əliyev neftin qiymətinin aşağı düşməsi ilə əlaqədar Azərbaycanda həyata keçirilən işlərdən danışıb - YENİLƏNİB

*** saat 12:00

Bakı. 30 noyabr. REPORT.AZ/ Bu gün Azərbaycan Respublikasının Prezidenti İlham Əliyev XXII Azərbaycan Beynəlxalq Telekommunikasiya və İnformasiya Texnologiyaları sərgisi - “Bakutel-2016” ilə tanışlıq zamanı “Euronews” və “Rossiya-24” telekanallarının suallarını cavablandırıb.

“Report”un xəbərinə görə, bu barədə Azərbaycan Respublikası Prezidentinin mətbuat xidməti məlumat yayıb.

Dövlət başçısı neftin qiymətinin aşağı düşməsi ilə əlaqədar Azərbaycanda həyata keçirilən işlərdən, neft və qazdan asılılığı azaltmaq üçün icra olunan layihələrdən danışıb.

Prezident İlham Əliyev Azərbaycanın qlobal kibertəhlükəsizlik çağırışları ilə bağlı həyata keçirdiyi işlərə toxunub, “Bakutel-2016” sərgisinin əhəmiyyətini vurğulayıb.