"Global Media Group"un 7 yaşı tamam olur

Bu gün "Global Media Group"un 7 yaşı tamam olur.

"Report" xəbər verir ki, şirkət 2017-ci ildən fəaliyyətə başlayıb.

Qeyd edək ki, "Global Media Group"a Azərbaycanda və ölkə xaricində fəaliyyət göstərən televiziya kanalları, informasiya agentlikləri, xəbər portalları, qazetlər və digər şirkətlər daxildir. Media qrupu özündə "Haber Global", Report.az, Oxu.Az, Baku.ws, Kaspi.az, Kaspi.ru, Baku TV, Media.az, PhotoStock.az, Global Analytics və Global Management-i birləşdirir.

Bir müddət öncə Qlobal Sazişə üzv kimi qoşulan "Global Media Group" ekoloji, sosial və korporativ idarəetmə (ESG) sahələrində məsuliyyətli biznes prinsiplərinin təşviqi və BMT-nin Dayanıqlı İnkişaf Məqsədlərinə (SDG) sadiqliyini nümayiş etdirib. "Global Media Group"un tərkibinə daxil olan "Global Management", "Report" İnformasiya Agentliyi, Baku TV və Oxu.Az şirkətlərinin hər biri keyfiyyətin idarə edilməsindən ətraf mühitin mühafizəsinə, əməyin mühafizəsindən təhlükəsizliyinə qədər ISO 9001, ISO 14001 və ISO 45001 beynəlxalq sertifikatlarına sahibdir.

"Report" kollektivi olaraq "Global Media Group"u təbrik edir, uğurlar arzulayırıq!

Bu gönderiyi Instagram'da gör

Global Media Group (@globalmediagroup.az)'in paylaştığı bir gönderi