Türkiyənin Ankara şəhərində "Anadolu" Agentliyi, Türk Əməkdaşlıq və Koordinasiya Agentliyi (TİKA), Türkiyə Polis Akademiyası və Azərbaycan Respublikasının Medianın İnkişafı Agentliyinin (MEDİA) birgə təşkilatçılığı ilə “Hərbi jurnalistika” mövzusunda təlimlər davam edir.
"Report" xəbər verir ki, təlimin dördüncü günündə Türkiyə Polis Akademiyasında iştirakçılara müharibədə düşmənlə əlbəyaxa mübarizə üzrə əyani və praktiki tədris olunub.
Qeyd edək ki, Azərbaycan Respublikasının Medianın İnkişaf Agentliyi (MEDİA), "Anadolu" Agentliyi, Türkiyə Polis Akademiyası və Türk Əməkdaşlıq, Koordinasiya Agentliyinin (TİKA) təşkilatçılığı ilə keçirilən təlimlərə Azərbaycandan 24 jurnalist qatılıb.
Avqustun 20-dək davam edəcək təlimlərdə iştirakçılara jurnalistika, şəxsi təhlükəsizlik, müharibə hüququ, ilk yardım, müharibə zamanı davranış qaydaları, suda həyatda qalma, kimyəvi və bioloji silahların tətbiqi zamanı qorunma, fövqəladə vəziyyətlərdə fəaliyyət və digər mövzularda məlumat verilir. Təxminən 60 faizi praktiki hissədən ibarət olan dərslərdə jurnalistlərə böhran, təbii fəlakət və müharibə bölgələrində fəaliyyət göstərən media nümayəndələrinin qarşılaşa biləcəyi çətinliklər və təhdidlərin dəf olunması mövzularında da təlimlər keçirilir. Bununla yanaşı, media nümayəndələri riskli bölgələrdə təşkil olunacaq təlimlərdə iştirak edəcəklər.
Təlim proqramını uğurla başa vuran jurnalistlər beynəlxalq səviyyədə tanınan "Hərbi jurnalistika sertifikatı" ilə təltif olunacaqlar.
Təlimdə "Report" İnformasiya Agentliyinin əməkdaşı İsmayıl Nəsibli də iştirak edir.
![](https://static.report.az/photo/a59bb25e-8886-34c8-92b7-44e8dfd85ace_300.jpg)
![](https://static.report.az/photo/166c80ed-a1d9-3881-9094-66d7568826e2_300.jpg)
![](https://static.report.az/photo/aa60d7e3-5291-30ff-8401-e9dacea4c529_300.jpg)
![](https://static.report.az/photo/e3820527-8ef5-3930-bd82-04a2936377e0_300.jpg)
![](https://static.report.az/photo/56de3be1-b16e-32d9-84c2-cfb58acd0c2d_300.jpg)
![](https://static.report.az/photo/6d1c4cee-e8fc-3702-898e-31aec590c032_300.jpg)
![](https://static.report.az/photo/bbab028b-7766-3d28-8bb6-0169bebde581_300.jpg)
![](https://static.report.az/photo/f682413e-26ed-3e75-8769-192aa2776732_300.jpg)
![](https://static.report.az/photo/c3fd8584-0a5e-3d33-b093-3b048d479341_300.jpg)
![](https://static.report.az/photo/531edf47-66c3-3b23-857d-3a580a55501d_300.jpg)
![](https://static.report.az/photo/2014b1bc-8489-3979-a7df-66ecdf89109e_300.jpg)
![](https://static.report.az/photo/69016eef-7080-3592-9694-765f4d610e97_300.jpg)
![](https://static.report.az/photo/f1802d4c-e91c-31c4-a51d-f7f9d900dc29_300.jpg)
![](https://static.report.az/photo/1f664059-469d-3f6e-9f01-fd1c3964ad77_300.jpg)