Yuxarı
    Bağlamaq

    Azərbaycan-Əfqanıstan mədəni əlaqələrinin inkişafı müzakirə olunub

    Əbülfəs Qarayev Əfqanıstanın Azərbaycandakı fövqəladə və səlahiyyətli səfiri Mohammad Taqi Xalili ilə görüşüb

    Bakı. 3 iyul. REPORT.AZ/ Mədəniyyət və turizm naziri Əbülfəs Qarayev Əfqanıstanın Azərbaycandakı fövqəladə və səlahiyyətli səfiri Mohammad Taqi Xalili ilə görüşüb.

    "Report" xəbər verir ki, görüş zamanı iki ölkə arasında mədəniyyət və turizm sahəsində əməkdaşlıq imkanları müzakirə olunub. Nazir qarşılıqlı səfərlərin bu əlaqələri daha da intensivləşdirəcəyini bildirib. Ötən ilin martında Əfqanıstanın paytaxtı Kabildə keçirilən Novruz sammitində Azərbaycan baş nazirinin müavini Elçin Əfəndiyevin iştirak etdiyini xatırladan Ə.Qarayev iki ölkə xalqlarını birləşdirən tarixi bağların, dini, mənəvi dəyərlərin olduğunu vurğulayıb.
    Əfqanıstanın Azərbaycandakı səfiri iki xalq arasında dini, tarixi, mədəni yaxınlıqdan bəhs edib və bildirib ki, Əfqanıstan səfirliyinin fəaliyyəti həm də bu əlaqələrin inkişaf etdirilməsinə yönəlib.

    Sonra görüşdə mədəni və turizm əlaqələri ilə bağlı qarşılıqlı maraq doğuran məsələlər müzakirə olundu.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi