Adil Kərimli: "Azərbaycan mədəniyyətinin dünyada tanıdılması üçün böyük işlər görülür"

"Azərbaycan mədəniyyətinin dünyada tanıdılması üçün böyük işlər görülür və görülməkdədir".

"Report" xəbər verir ki, bunu mədəniyyət nazirinin birinci müavini, nazir səlahiyyətlərini icra edən Adil Kərimli “Azərbaycan teatrı – 150: inkişaf perspektivləri” mövzusunda keçirilən Teatr Forumunda çıxışı zamanı deyib.

O bildirib ki, bu tədbirlərin həyata keçirilməsində Heydər Əliyev Fondunun və Birinci vitse-prezident Mehriban Əliyevanın xüsusi əməyi var:

"Teatr hər zaman yenilənməli, çağdaş dövrə uyğunlaşmalıdır. Bu forumun məqsədi teatr peşəkarları ilə birgə teatrın problemlərini və perspektivlərini müzakirə etməkdir. Həmçinin, aprelin 20-21-də Kino Forumu keçiriləcək. Bu çağırışları ilin sonunda Mədəniyyət Forumu adı altında yekunlaşdırmağı düşünürük".