Bakı. 1 iyun. REPORT.AZ/ ABŞ-ın Miçiqan gölündə çimən iki qız Birinci Dünya Müharibəsindən qalmış bomba tapıb.
"Report" xəbər verir ki, bu barədə "Associated Press" məlumat yayıb.
Məlumata görə, 10 yaşlı Peyc Bernett və 9 yaşlı Seyc Meydjes Peyc göldə qeyri-adi əşyaya toxunduqdan sonra predmeti axtarmağa başlayıblar.
Qızların anaları sudan bir metrlik bombanı çıxarıb. Peycin sözlərinə görə, onlar əvvəlcə şənləniblər. Lakin sonra bombanın partlaya biləcəyindən qorxublar. Ancaq həyəcan əbəs imiş.
Hadisə yerinə gələn minatəmizləyənlər bombadan ancaq palçıq təmizləyiblər.