Arxeoloqlar Misirdə 800 yeni sərdabə aşkarlayıblar

Bakı. 14 sentyabr. REPORT.AZ/ Alabama Universitetinin Misirin Qədim Zamanlar üzrə Nazirliyi ilə birgə ekspedisiya qrupu Misirdə iki piramida arasında 802 yeni sərdabə aşkarlayıb.

"Report" xəbər verir ki, bu barədə "IFLScience" məlumat yayıb.

Bildirilir ki, aşkarlanan məqbərələr qaya daşlarından kəsilib. Onlar hələ qazıntılardan əvvəl talan edilib, ancaq indi də tarixi əhəmiyyət kəsb edir.

Qəbristanlıq iki hissədən ibarətdir. Onlardan biri açıq həyəti olan qapalı dəhlizdən ibarətdir. O, heroqlif yazısı olan balaca kamera ilə yekunlaşır. 

Sərdabələr klassik dövrə (eramızdan əvvəl 2040-1782 illər) aid edilir.