Amazon meşələrində qədim insan məskəninin qalıqları aşkarlanıb

Braziliyanın arxeoloqlar qrupu tərəfindən Amazon hövzəsində orta əsrlərə aid beş yaşayış məskəninin qalıqları aşkar edilib.

Bu barədə “Report” “Amazonas Noticas”a istinadən xəbər verir.

Məlumata görə, Tefe milli parkı ərazisində bir ay ərzində aparılan tədqiqatlar zamanı 1500-cü illərdə - portuqaliyalı müstəmləkəçilərin gəlişindən əvvəl Amazon meşələrində çoxlu sayda yerli əhalinin yaşadığına dair tapıntılar üzə çıxarılıb. Tədqiqatlar zamanı aşkar edilmiş dəfn küplərinin, saxsı qabların, bölgəyə xas bitkilərin toxumlarının ilkin hesablamara görə 2-3 min il yaşı var.