“Viza Kredit” BOKT ötən ili mənfəətlə başa vurub

“Viza Kredit” MMC bank olmayan kredit təşkilatı (BOKT) 2021-ci ili 203 min manat mənfəətlə başa vurub. Halbuki, BOKT 2020-ci ildən 131 min manat zərərlə çıxmışdı.

“Report” xəbər verir ki, bu il yanvarın 1-nə “Viza Kredit”in aktivləri 415 min manat olub ki, bu da illik müqayisədə 42,1% çoxdur. Bunun 233 min manatı müştərilərə verilmiş kreditlərdir. 2021-ci ildə BOKT-un kredit portfeli 16,4% böyüyüb.

Hesabat dövründə "Viza Kredit"in öhdəlikləri 34,2% azalaraq 233 min manata düşüb, balans kapitalındakı 61 min manat çatışmazlıq isə 182 min manat kapitalla əvəzlənib.

Xatırladaq ki, “Viza Kredit” 2011-ci ildə yaradılıb. Onun nizamnamə kapitalı 1,47 milyon manatdır.