VISA: Azərbaycanda elektron dələduzluq çox aşağı səviyyədədir

Bakı. 6 dekabr. REPORT.AZ/ Azərbaycanda elektron dələduzluğun səviyyəsi çox aşağı səviyyədədir. "Report" xəbər verir ki, bunu "VİSA İnternational" təşkilatının MDB regionu üzrə baş risk meneceri Larisa Makarova deyib.

L.Makarova qeyd edib ki, regionda olan digər ölkələrlə müqayisədə Azərbaycanda bank kartlarının təhlükəsizliyi daha yüksək səviyyədə təmin edilir: "Azərbaycanda elektron dələduzluq hər 100 dollara 3 sent civarındadır ki, bu da region ölkələrinə nisbətən minimum səviyyədədir".