Taleh Kazımov Qazaxıstan və Tacikistan mərkəzi banklarının rəhbərləri ilə görüşəcək

Azərbaycan Mərkəzi Bankının (AMB) sədri Taleh Kazımov Qazaxıstan və Tacikistan mərkəzi banklarının rəhbərləri ilə görüşlər keçirəcək.

"Report" xəbər verir ki, bu barədə AMB sədri özünün "Twitter" hesabında yazıb.

"27 fevral–2 mart tarixlərində Tacikistan və Qazaxıstan mərkəzi bankları, Qazaxıstan Maliyyə Bazarlarının Tənzimlənməsi və İnkişafı Agentliyi, həmçinin Astana Beynəlxalq Maliyyə Mərkəzinin rəhbərliyi ilə görüşlərin keçirilməsi məqsədilə işgüzar səfərə yola düşdük", - T. Kazımov qeyd edib.