Taleh Kazımov: "Ötən il valyuta hərraclarının 80 %-də təklif tələbi üstələyib"

2022-ci ildə Azərbaycan Mərkəzi Bankının (AMB) keçirdiyi valyuta hərraclarının 80 %-ində təklif tələbi üstələyib.

“Report” xəbər verir ki, bu barədə AMB-nin sədri Taleh Kazımov mətbuat konfransında deyib.

O bildirib ki, məzənnə sabitliyini təmin edilməsi üçün Mərkəzi Bank alış yönümlü müdaxilə keçirib: “Bu müdaxilənin həcmi 2,048 milyard ABŞ dolları olub. Proqnozlarımıza əsasən tədiyyə balansının cari əməliyyat hesabında proqnozlaşdırılan müsbət saldo bu ildə məzənnə sabitliyini təmin etməyə imkan verəcək”.