​Şahmar Mövsümov Suveren Fondların Beynəlxalq Forumunun iclasında iştirak edib

Bakı. 20 noyabr. REPORT.AZ/ Noyabrın 19-20-də Dohada (Qətər) Suveren Fondların Beynəlxalq Forumunun (SFBF) VI iclası keçirilib. Bu barədə "Report"a Azərbaycan Dövlət Neft Fondunun (ARDNF) mətbuat xidmətindən bildirilib.

ARDNF-in icraçı direktoru Şahmar Mövsümovun başçılıq etdiyi nümayəndə heyəti iclasda iştirak edib.

Qeyd edək ki, SFBF Suveren Fondların Beynəlxalq İşçi Qrupunun 2009-cu il aprelin 5-6-da Əl Küveyt şəhərində keçirilmiş iclasında yaradılıb və ilk rəsmi iclasını 2009-cu il oktyabrın 8-9-da Bakıda keçirib. SFBF könüllü qrup olub, əsas məqsədi Suveren Fondların ümumi maraqlarına dair məsələlər ətrafında fikir mübadiləsi aparmaq və Santyaqo prinsipləri və Suveren Fondların fəaliyyətinin anlaşılmasını asanlaşdırmaqdır.