Rusiyada bu ilin yekununda 5%-ə yaxın illik inflyasiya proqnozlaşdırılır

Bu ilin yekununda Rusiyada illik inflyasiya 4,6-4,8 % təşkil edəcək.

"Report" TASS-a istinadən xəbər verir ki, bu proqnozla qonşu ölkənin İqtisadi İnkişaf Nazirliyi çıxış edib.

Qurum həmçinin bəyan edib ki, bu ay Rusiyada ötən aya nisbətən 0,6-0,7 % qiymət artımı olacaq.

Nazir müavini Polina Kryuçkovanın sözlərinə görə, dekabrda qiymət artımına təsir edən əsas amil noyabrın II yarısından başlayaraq valyuta bazarında vəziyyətin sabitləşməsi, eləcə də qlobal kənd təsərrüfatı məhsullarının bazardakı konyukturadan asılı olaraq ölkədaxili qida bazarında qiymətlərin necə dəyişməsi olacaq.