Qızılın bir unsiyasının qiyməti 1700 dolları keçib

ABŞ dolları qızılın qiymətinin 1 720 dollar səviyyəsində qalmasını şərtləndirir.

“Report” birjalara istinadən xəbər verir ki, Nyu-Yorkun “Comex” birjasında qızılın dekabr fyuçersləri 0,07% və ya 1,15 ABŞ dolları bahalaşaraq 1 unsiyası 1 723,75 ABŞ dollarına satılıb. Gümüşün dekabr fyuçerslərinin qiyməti isə 0,23% artaraq 1 unsiyası 17,922 ABŞ dolları təşkil edib.

ABŞ dollarının indeksi 0,47% yüksələrək 110,05 bəndə çatıb. Bu, 2002-ci ilin iyun ayından sonra ən yüksək göstəricidir. Baha ABŞ dolları qızılı başqa valyutalarla alışını məhdudlaşdırır.