Qızıl və avro ucuzlaşıb

Bakı. 2 iyul. REPORT.AZ/ İyulun 1-də Amerika fond bazarında Dow Jones indeksində 0,79% artım müşahidə olunub və 17 757,91 bənd təşkil edib. S&P 500 0,69% irəliləyərək 2 077,42 bənd, Nasdaq isə 0,53% yüksələrək 5 013,13 bənd olub.

"Report" xəbər verir ki, Avropa fond bazarında FTSE 100 indeksi 1,34% irəliləyərək 6 608,59 bənd, Fransa CAC-40-ı 1,94% artaraq 4 883,19 bənd, Almaniya DAX-ı isə 2,15% yüksələrək 11 180,50 bənd təşkil edib.

Bu gün səhərə COMEX-də qızılın qiymətində azalma qeydə alınıb. Belə ki, bu əlvan metalın bir unsiyasının qiyməti 0,55% ucuzlaşaraq 1 167,150 dollar olub. Dünya bazarında avronun dollara qarşı məzənnəsi isə 1,1069 (-0,62%) təşkil edib.