OECD qlobal iqtisadi artım göstəricilərini azaltdı

İqtisadi Əməkdaşlıq və İnkişaf Təşkilatı (OECD) qlobal iqtisadi artım proqnozunu bu il üçün 0,5 faiz bəndi azaldaraq 2,4%-ə endirib, gələn il üçün isə 0,2 faiz bəndi artıraraq 3,3%-ə qaldırıb. 

“Report” bu barədə xarici mətbuata istinadən xəbər verir. 

Məlumata görə, 2020-ci il üçün iqtisadi artım proqnozu G20 ölkələrində 0,5 faiz bəndi azaldılaraq 2,7%-ə, avrozona ölkələrində 0,3 faiz bəndi azaldılaraq 0,8%-ə endirilib. 2021-ci il üçün isə iqtisadiyyatın böyümə göstəriciləri müvafiq olaraq 0,2 faiz bəndi və 0,3 faiz bəndi artırılaraq 3,5% və 2,6% səviyyəsində müəyyənləşdirilib.