​"Muğanbank" nizamnamə kapitalını 10% artırır

Bakı. 17 avqust. REPORT.AZ/ Qiymətli Kağızlar üzrə Dövlət Komitəsi tərəfindən "Muğanbank" ASC-nin adi adlı səhmlərinin emissiya prospekti dövlət qeydiyyatına alınıb. Bu barədə "Report"a Komitədən məlumat verilib.

Məlumata görə, kütləvi təklif üsulu ilə yerləşdiriləcək hər birinin nominal dəyəri 200 manat olan 25 min ədəd adi adlı səhmlərin buraxılışı AZ1001005466 qeydiyyat nömrəsi ilə dövlət qeydiyyatına alınıb.

Qeyd edək ki, bu əlavə səhm emissiyasının tam yerləşdirilməsi nəticəsində "Muğanbank"ın nizamnamə kapitalı 10% artaraq 55 mln. manata çatdırılacaq.