IMF bu il Gürcüstanın iqtisadi artımının 4 %-ə çatacağını proqnozlaşdırır

Beynəlxalq Valyuta Fondu (IMF) 2023-cü ildə Gürcüstan iqtisadiyyatında 4 % artım proqnozlaşdırır.

“Report” “Sputnik-Georgia”ya istinadən xəbər verir ki, bu barədə IMF-nin hesabatında bildirilir. 

Bundan başqa, sənəddə deyilir ki, bu il qonşu ölkədə inflyasiya 6 % təşkil edəcək.

Xatırladaq ki, daha əvvəl Dünya Bankı Gürcüstan iqtisadiyyatının 2023-cü il üçün ÜDM artımı proqnozunu 5,5 %-dən 4 %-ə endirib. Gürcüstan Milli Bankı da oxşar proqnoz verib.