IMF: Bu il Azərbaycan iqtisadiyyatı 2,3 % böyüyəcək

2021-ci ildə Azərbaycanda 2,3 %, 2022-ci ildə isə 1,7 % iqtisadi artım gözlənir.

“Report” xəbər verir ki, bu proqnozla Beynəlxalq Valyuta Fondu (IMF) “Global Economic Outlook” hesabatının aprel buraxılışında çıxış edib.

Sənəddə həmçinin qeyd olunub ki, ötən il Azərbaycan iqtisadiyyatı 4,3 % azalıb.

Bundan başqa, Fond bəyan edib ki, bu il Azərbaycanda illik inflyasiya 3,5 %, gələn il isə 3,2 % olacaq. Ötən il bu göstərici 2,8 % olub.

IMF həmçinin 2021-ci ildə Azərbaycanda işsizlik səviyyəsinin azalacağını proqnozlaşdırır. 2020-ci ildə 6,5 % təşkil etmiş sözügedən göstəricinin bu il 5,8 %, gələn il isə 5,7 % olacağı gözlənilir.