IMF: "Azərbaycanın geniş pul kütləsinin 9,5 % artması gözlənilir"

Bu il Azərbaycanın geniş pul kütləsinin 9,5 % artması gözlənilir.

“Report” xəbər verir ki, bu barədə Beynəlxalq Valyuta Fondunun (IMF) hesabatında bildirilib.

Proqnoza əsasən, 2022-ci ildə bu göstərici 7,4 % artacaq.

Aəzrbaycan Mərkəzi Bankının (AMB) məlumatına əsasən, bu il sentyabrın 1-nə Azərbaycanda geniş pul kütləsi 31 289,2 milyon manat təşkil edib. Bu, avqustun 1-i ilə müqayisədə 0,7% az, ilin əvvəli ilə müqayisədə 7,2%, ötən il sentyabrın 1-nə nisbətən isə 16,2% çoxdur.

Avqustun sonuna manatla geniş pul kütləsi 21 946,9 milyon manat təşkil edib. Bu isə aylıq müqayisədə 0,5 % , ilin əvvəli ilə müqayisədə 8,1 %, ötən ilin avqustun sonuna nisbətən isə 21,1 % çoxdur.