IMF Azərbaycanın dövlət borcunun artacağını proqnozlaşdırır

Azərbaycanın dövlət borcunun ümumi daxili məhsula (ÜDM) nisbəti 2021-2022-ci illərdə 28,9 % səviyyəsində olacaq.

“Report” xəbər verir ki, bu barədə Beynəlxalq Valyuta Fondunun (IMF) hesabatında bildirilib.

Sənədə əsasən, ötən il bu göstərici 21,4 % olub.

Maliyyə Nazirliyinin məlumatına görə, 2021-ci il iyulun 1-nə dövlət borcunun (xarici və daxili) ümumi məbləği 17 milyard 352 milyon manat və yaxud ÜDM-in 21,6 %-ni təşkil edib. Məcmu dövlət borcunun 14 milyard 625,7 milyon manatı (8 milyard 603,4 milyon ABŞ dolları) və yaxud 84,3 %-i xarici dövlət borcunun, 2 milyard 726,3 milyon manatı və yaxud 15,7 %-i daxili dövlət borcunun payına düşür.