IMF: "Azərbaycan Mərkəzi Bankının xalis xarici aktivlərini növbəti 5 ildə 28 milyard manata çatacaq"

Azərbaycan Mərkəzi Bankının (AMB) xalis xarici aktivləri bu ilin sonuna 26,106 milyard manata çatacağı gözlənilir.

“Report” xəbər verir ki, bu barədə Beynəlxalq Valyuta Fondunun (IMF) “IMF-nin yaradılması haqqında” Sazişinin IV maddəsinə uyğun olaraq fondun Azərbaycan üzrə missiyasının rəhbəri Anna Bordonun 2023-cü ilin noyabr ayında Bakıda keçirdiyi məsləhətləşmələrin nəticələrinə dair hesabatında deyilir.

Məlumata görə, bu, 2023-cü illə müqayisədə 1,6 % çoxdur.

AMB-nin xalis xarici aktivləri 2025-ci ilin sonuna 26,529 milyard manata (2024-cü illə müqayisədə 1,62 % çox), 2026-cı ilin sonuna 26,953 milyard manata (1,6 % çox), 2027-ci ilin sonuna 27,378 milyard manata (1,58 % çox), 2028-ci ildə isə 27,804 milyard manata (1,56 % çox) yüksələcəyini proqnozlaşdırır.

O cümlədən Mərkəzi Bankın xalis beynəlxalq ehtiyatları 2024-cü ilin sonuna qədər 19,517 milyard manata, 2025-ci ilin sonuna 19,857 milyard manata, 2026-cı ilin sonuna 20,197 milyard manata, 2027-ci ilin sonuna 20,537 milyard manata, 2028-ci ilin sonuna 20,877 milyard manata çatacağı gözlənilir. AMB-nin xalis beynəlxalq ehtiyatları illik 1,8 %, 1,72 %, 1,75 %, 1,69 % və 1,66 % artacağı proqnozlaşdırılır.

2024-cü ildə kommersiya banklarının xalis xarici aktivləri 2023-cü ilin faktiki göstəricisi ilə müqayisədə 1,4 % artaraq 7,241 milyard manata, 2025-ci ildə 1,39 % artaraq 7,341 milyard manata, 2026-cı ildə 1,37 % artaraq 7,441 milyard manata, 2027-ci ildə 1,35 % artaraq 7,541 milyard manata, 2028-ci ildə isə 1,33 % artaraq 7,641 milyard manata çatacaq.

AMB-nin digər öhdəlikləri isə 2024-cü ildə 651 milyon manat (2023-cü illə müqayisədə 2,8 % çox), 2025-ci ildə 668 milyon manat (2,62 % çox), 2026-cı ildə 684 milyon manat (2,4 % çox), 2027-ci ildə 699 milyon manat (2,2 % çox) və 2028-ci ildə isə 713 milyon manat (2,01 % çox) səviyyəsində proqnozlaşdırır.