Hesablama Palatasının sədri: "Son 10 ildə neftin büdcə qiyməti 2-ci dəfə azı 75 dollar götürülür"

Azərbaycanın dövlət büdcəsində son 10 ildə 2-ci dəfədir ki, neftin 1 barelinin qiyməti azı 75 ABŞ dolları səviyyəsində götürülür.

"Report" xəbər verir ki, bunu Hesablama Palatasının sədri Vüqar Gülməmmədov Milli Məclisin bu gün keçirilən plenar iclasında "2024-cü il dövlət büdcəsi icrası haqqında" qanuna dəyişiklik edilməsi ilə bağlı qanun layihəsinin müzakirəsi zamanı bildirib.

"Yenilənən büdcə layihəsində büdcə qaydasının bir göstəricisinə əməl olunub, digərlərinə isə əməl edilməyib. İcmal büdcənin baza xərclərinin artımı icmal büdcənin qeyri-neft-qaz gəlirlərinin artımını üstələyib. Qeyri-neft qaz sektoru üzrə ümumi daxili məhsulda artım istiqamətində dəqiqləşmə çox güclü olub", - deyə o qeyd edib.