"Fitch" daha “Azsığorta”ya reytinq verməyəcək

“Azsığorta” ASC “Fitch" beynəlxalq reytinq agentliyi ilə əməkdaşlığı dayandırır.

"Report" bu barədə şirkətə istinadən xəbər verir. 

Məlumatda deyilir ki, koronavirus (COVID-19) pandemiyası nəticəsində sığorta bazarındakı çalxalanmalar beynəlxalq reytinqə malik olmağın əhəmiyyətini azaldıb. Odur ki, xərclərin optimallaşdırılması, xarici valyutada ödənişlərin azaldılması məqsədilə əməkdaşlığının müvəqqəti dayandırılması barədə qərar qəbul edilib.

Xatırladaq ki, "Fitch" indiyə qədər "Azsığorta"nın maliyyə gücü reytinqini “B” səviyyəsində müəyyən edib, reytinq üzrə proqnoz "Sabit" olub.