Elman Rüstəmov: “Kredit faizlərinin birrəqəmli olmasını istəyirik”

“Banklardakı kredit faizləri məsələsi bizi də düşündürür. İstəyirik ki, faizlər birrəqəmli olsun”.

“Report” xəbər verir ki, bunu Azərbaycan Mərkəzi Bankının sədri Elman Rüstəmov Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında deyib.

Onun sözlərinə görə, bugünkü faizlərin arxasında çox ciddi obyektiv səbəblər var: “Təbii ki, onlar yuxarıdır. Biz bank sektorunun risklərini aşağı salmalıyıq. Bu istiqamətdə görəcəyimiz işlər olduqca çoxdur".