Elman Rüstəmov: "10 ayda sığorta bazarı 13% böyüyüb"

"Azərbaycanda sığorta bazarının genişlənməsi, əhalinin və biznesin fundamental risklərinin sığorta təminatına daxil edilməsi, sığorta sektorunun iqtisadi inkişafda rolunun artırılması məqsədi ilə hazırlanmış əhatəli strategiyanın reallaşdırılması intensivləşdirilib".

“Report” xəbər verir ki, bunu Azərbaycan Mərkəzi Bankının sədri Elman Rüstəmov Milli Məclisin bu gün keçirilən plenar iclasında deyib.

"Sığorta sahəsində görülən işlər onun artım potensialının reallaşdırılmasına imkan verir. Nəticədə bu ilin 10 ayında sığorta bazarı ötən ilin eyni dövrü ilə müqayisədə 13% böyüyüb".