Avropa Mərkəzi Bankı 3 əsas faiz dərəcəsini artırıb

Avropa Mərkəzi Bankının (ECB) İdarəetmə Şurası 3 əsas faiz dərəcəsini 50 faiz bəndi artırıb.

“Report” xəbər verir ki, bu barədə bank məlumat yayıb.

ECB uçot dərəcəsini 2 %-dən 2,5 %-ə, depozitlər üzrə faiz dərəcəsini 1,5 %-dən 2 %-ə, marjinal kredit xətti üzrə faiz dərəcəsini 2,25 %-dən 2,75 %-ə çatdırıb. Bu qərar dekabrın 21-dən qüvvəyə minir.

Bildirilir ki, inflyasiya üzrə proqnozu xeyli artırıldığına görə,faiz dərəcəsinin yüksələcəyi gözlənilir.

İdarəetmə Şurası hesab edir ki, inflyasiyanın 2 %-lik ortamüddətli hədəfə qaytarmaq üçün, faiz dərəcəsini sabit templərlə əhəmiyyətli dərəcədə yüksəldilməlidir.