Dünya Bankının regional direktoru dəyişib

Dünya Bankının Cənubi Qafqaz ölkələri üzrə regional direktoru Sebastian Molineus vəzifəsindən azad edilib.

"Report"un əldə etdiyi məlumata görə, onun yerinə xanım Rolan Pris (Rolande Pryce) təyin edilib.

Əslən Yamaykadan olan R.Pris Dünya Bankının komandasına 2006-cı ildən qoşulub. O, bu təyinata qədər qurumun Ruanda üzrə ölkə meneceri vəzifəsini icra edib.

Yeni regional direktorun işə sentyabrın 1-də başlayacağı bildirilir.

Xatırladaq ki, S.Molineus 2019-cu ilin iyul ayından Cənubi Qafqaz ölkələri üzrə regional direktordur. O bundan sonra fəaliyyətini Dünya Bankının ABŞ-ın paytaxtı Vaşinqtondakı ofisində strategiya və əməliyyatlar üzrə direktor kimi davam etdirəcək.