Dövlət Dəniz və Liman Agentliyi sığortaçı seçib

Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyi 268 əməkdaşının könüllü tibbi sığortalanması ilə bağlı elan etdiyi açıq tenderə yekun vurub.

"Report" dövlət satınalmalarının vahid internet portalına istinadən xəbər verir ki, tenderin qalibi "Qala Sığorta" ASC-dir.

Qalib şirkətə 77 845 manat ödəniləcək.

Ötən il bu tenderin qalibi "PAŞA Sığorta" ASC olub. Şirkət göstərəcəyi xidmətə görə 73 380 manat sığorta haqqı alıb.