Bu il Naxçıvanda sahibkarlara 1,4 milyon manat güzəştli kredit verilib

Bu ilin 9 ayında Naxçıvan Muxtar Respublikasında 19 sahibkara 1,4 milyon manat güzəştli kredit verilib.

"Report"un yerli bürosunun xəbərinə görə, bunu Azərbaycanın Sahibkarlığın İnkişafı Fondunun İdarə Heyətinin sədri Osman Xaliyev oktyabrın 17-də Naxçıvanda jurnalistlərə açıqlamasında deyib.

O qeyd edib ki, 2023-cü ildən etibarən Sahibkarlığın İnkişafı Fondu Naxçıvan Muxtar Respublikasında fəaliyyət göstərən sahibkarlıq subyektlərinə də maliyyə dəstəyi göstərir.