“Bakı Telefon Rabitəsi” sığortaçı seçir

Rəqəmsal İnkişaf və Nəqliyyat Nazirliyinə məxsus “Bakı Telefon Rabitəsi” MMC əməkdaşlarının könüllü tibbi sığortalanması üçün açıq tender elan edib.

“Report” xəbər verir ki, tenderdə iştirak haqqı 110 manatdır.

İddiaçılar təkliflərini noyabrın 21-nə qədər “Bakı Telefon Rabitəsi”nin yerləşdiyi Bakı şəhəri, Yasamal rayonu, Tbilisi prospekti, 107 ünvanına təqdim edə bilərlər.

Təkliflərə noyabrın 21-də, saat 16:00-da qeyd olunan ünvanda baxılacaq.

Sığorta xidməti çərçivəsində şirkətin 96 əməkdaşının və ailə üzvlərinin 1 illik sığortalanması nəzərədə tutulur. Tenderin ehtimal olunan qiyməti 55 056 manatdır.