"AzerGold" kredit öhdəliyini tam yerinə yetirib

“AzerGold” QSC fəaliyyətə başladığı dövrdə səmərəli fəaliyyətinin təşkili məqsədi ilə cəlb etdiyi 148,4 milyon ABŞ dolları məbləğində kredit öhdəliyini nəzərdə tutulduğundan bir il tez - ötən il yerinə yetirib.

“Report”un məlumatına görə, bu barədə səhmdar cəmiyyətinin İdarə Heyətinin sədri Zakir İbrahimov ötən ilin yekunları və qarşıda duran vəzifələrə həsr olunmuş mətbuat konfransında bildirib.

Onun sözlərinə görə, kreditin vaxtından əvvəl qaytarılması ilə təqribən 2 milyon manat vəsaitə qənaət edilib və yerli banklarda 69,4 milyon ABŞ dolları məbləğində kredit xətti şirkətin istifadəsi üçün ayrılıb.