Azərbaycanın dövlət büdcəsinin profisiti 2 dəfədən çox azalıb

Bu ilin yanvar-iyul aylarında Azərbaycanın dövlət büdcəsinin gəlirləri 18 milyard 766,6 milyon manat, xərcləri isə 17 milyard 620,5 milyon manat təşkil edib.

“Report” Dövlət Statistika Komitəsinə istinadən xəbər verir ki, bunlar, ötən ilin eyni dövrü ilə müqayisədə müvafiq olaraq 4,8 % və 14,9 % çoxdur.

Son nəticədə 7 ayda büdcədə 1 milyard 146,1 milyon manat profisit yaranıb ki, bu da 1 il əvvələ nisbətən 2,2 dəfə azdır.