Azərbaycanın dövlət borcunun ÜDM-yə nisbəti 2023-cü ilədək artacaq

Bu il Azərbaycanın xarici dövlət borcunun ümumi daxili məhsula (ÜDM) nisbəti 17,6 % səviyyəsində reallaşacaq.

“Report” xəbər verir ki, bu barədə Dünya Bankının Avropa və Mərkəzi Asiya ölkələri üçün yenilənmiş hesabatında bildirilir.

Sənədə əsasən, ölkənin xarici dövlət borcunun ÜDM-yə nisbəti gələn il 17,9 %, 2023-cü ildə isə 17,5 % səviyyəsində reallaşacağı proqnozlaşdırılır.

Maliyyə Nazirliyinin məlumatına görə, bu ilin I yarısında Azərbaycanın birbaşa xarici dövlət borcu 7 milyard 839 milyon ABŞ dolları və yaxud ümumi daxili məhsulun 16,6 %-ni təşkil edib. Bu, 2021-ci ilin əvvəli ilə müqayisədə xarici dövlət borcu və onun ÜDM-ə nisbəti 2,5 % azalıb.