Azərbaycanın bank sektorunun xalis mənfəəti 9 % azalıb

Azərbaycanın bank sektoru bu ilin yanvar-mart aylarında 148,8 milyon manat xalis mənfəət əldə edib.

“Report” Azərbaycan Mərkəzi Bankına istinadən xəbər verir ki, bu, ötən ilin eyni dövrü ilə müqayisədə 8,7 % azdır.

3 ay ərzində bankların əməliyyat gəlirləri 666,1 milyon manat (1 il əvvələ nisbətən 1,4% az), əməliyyat xərcləri 430,7 milyon manat (2 % az), xüsusi ehtiyatlara ayırmaları 53,6 milyon manat (11,4 % çox), gözlənilməz xərcləri 0,9 milyon manat (1 il əvvəl cüzi olub), mənfəət vergisi ödəmələri isə 32,1 milyon manat (28,9 % çox) təşkil edib.