Azərbaycanın bank sektorunun xalis mənfəəti 15 %-ə yaxın azalıb

Azərbaycanın bank sektoru bu ilin yanvar-fevral aylarında 179,4 milyon manat xalis mənfəət əldə edib.

“Report” Azərbaycan Mərkəzi Bankına istinadən xəbər verir ki, bu, ötən ilin eyni dövrü ilə müqayisədə 14,5 % azdır.

2 ay ərzində bankların əməliyyat gəlirləri 1 milyard 57,7 milyon manat (16,1 % çox), əməliyyat xərcləri 773,7 milyon manat (28,9 % çox), xüsusi ehtiyatlara ayırmaları 61 milyon manat (11,7 % az), mənfəət vergisi ödəmələri isə 43,6 milyon manat (9,4 % az) təşkil edib.