Azərbaycandan Çinə fiziki şəxslərin pul köçürmələrinin həcmi 44 %-dən çox artıb

Ötən il fiziki şəxslərin Azərbaycandan Çinə pul köçürmələrinin həcmi 11,779 milyon ABŞ dolları təşkil edib.

“Report”un Azərbaycan Mərkəzi Bankına istinadən verdiyi məlumata görə, bu göstərici illik müqayisədə 44,32 % və ya 3,617 milyon ABŞ dolları artıb.

Köçürmələrin ümumi həcmində Çinə transfertlərin payı 2,2 % təşkil edib.

Xatırladaq ki, 2024-cü ilin yekunlarına görə, fiziki şəxslərin Azərbaycandan xarici ölkələrə pul köçürmələrinin həcmi 526,759 milyon ABŞ dolları (-4,25 %) təşkil edib.

Qeyd edək ki, 2023-cü ildə Azərbaycandan Çinə fiziki şəxslərdən pul köçürmələrinin həcmi 8 milyon 162 min ABŞ dolları, xarici ölkələrə isə ümumi köçürmələrin həcmi 550 milyon 126 min ABŞ dolları təşkil edib.