Azərbaycanda problemli kreditlər 22% azalıb

Bu il fevralın 1-nə Azərbaycanda vaxtı keçmiş kreditlərin məbləği 706,5 milyon manat təşkil edib.

“Report” Azərbaycan Mərkəzi Bankına istinadən xəbər verir ki, bu, yanvarın 1-i ilə müqayisədə 1,8 % azdır.

Son 1 ildə isə ölkədə problemli kreditlər 21,5% azalıb.

Yanvarın sonuna vaxtı keçmiş kreditlərin ümumi kredit portfelində xüsusi çəkisi 4,1 % təşkil edib. Bu nisbət ötən il dekabrın sonuna 4,2%, ötən ilin yanvarın sonuna isə 6,2 % olub.