Azərbaycanda nağd pul avadanlıqlarına olan minimal tələblər müəyyən ediləcək

"Azərbaycan Mərkəzi Bankı haqqında" Qanuna nağd pul avadanlıqlarına olan minimal tələblərin müəyyən edilməsi ilə bağlı dəyişikliklər ediləcək.

"Report" xəbər verir ki, bunu AMB-nin Nağd pul departamentinin Ekspertiza şöbəsinin rəisi Nəsib Pənahlı "Nağd pul dövriyyəsinin təşkili-2023 seminarı"nda deyib.

O qeyd edib ki, bununla bağlı Mərkəzi Bank artıq monitorinqlərə start verib:

"Çalışırıq ki, əhali pul nişanları ilə davranış mədəniyyətini daim üstün tutsun. Pul nişanlarını nə qədər düzgün saxlayıb, istifadə etsək bir o qədər az maliyyə itkisi yaşayarıq və pul nişanlarının qorunması baxımından daha çox uğur qazanmış olarıq".