Azərbaycanda manatla geniş pul kütləsi 19 %-dək artıb

Bu ilin fevralın 1-nə Azərbaycanda geniş mənada pul kütləsinin həcmi 34 milyard 647,6 milyon manat təşkil edib.

"Report"un Azərbaycan Mərkəzi Bankına istinadən verdiyi xəbərə görə, geniş mənada pul kütləsinin həcmi bu ilin yanvarın 1-nə nisbətən 0,002 %, illik müqayisədə isə 23,2 % artıb.

Manatla geniş mənada pul kütləsinin həcmi fevralın 1-nə 23 milyard 113,7 milyon manat təşkil edib. Bu, yanvarın 1-nə olan analoji göstəricidən 3,2 % az, illik müqayisədə isə 18,6 % çoxdur.