Azərbaycanda lizinq və faktorinq fəaliyyəti ilə məşğul olan şirkət ləğv edilir

"Micro Leasing And Factoring" MMC hüquq və vəzifələri varislik qaydasında başqa şəxslərə keçmədən ləğv edilməsi barədə qərar qəbul edib.

“Report” bu barədə İqtisadiyyat Nazirliyi yanında Dövlət Vergi Xidmətinin “Vergilər” qəzetinə istinadən xəbər verir.

Məlumatda deyilir ki, kreditorlar tələblərini 2 ay ərzində Bakı şəhəri, Yasamal rayonu, Həsənbəy Zərdabi prospekti, ev 103 ünvanına bildirə bilərlər.

Mülki Məcəllənin 61.7-ci maddəsinə əsasən, ləğv edilən hüquqi şəxsin kreditorlarına pul vəsaitini tələblərin daxil olduğu növbəlilik qaydasında ləğvetmə komissiyası (təsviyəçi) ödəyəcək.

Xatırladaq ki, "Micro Leasing And Factoring" 2022-ci ildə dövlət qeydiyyatına alınıb. Onun nizamnamə kapitalı 10 manatdır.