Azərbaycanda illik inflyasiya 1,6% olub

Bakı. 14 noyabr. REPORT.AZ/ Azərbaycanda istehlak mallarının qiymətləri və xidmət tarifləri oktyabr ayında əvvəlki ayla müqayisədə 0,3%, yanvar-oktyabr ayları ərzində isə keçən ilin müvafiq dövrünə nisbətən 1,6% artıb. "Report"un xəbər verdiyi kimi, bu barədə Dövlət Statistika Komitəsinin məlumatında deyilir.

Ərzaq məhsullarının qiymətləri göstərilən dövrlərdə müvafiq olaraq 0,6% və 1,1%, qeyri-ərzaq mallarının qiymətləri və xidmət tarifləri keçən ayın səviyyəsində qalıb, ötən ilin yanvar-oktyabr aylarına nisbətən isə müvafiq olaraq 3,6% və 0,4% artıb.